ქვემოთ მოცემული ინსტრუქცია წარმოადგენს სს რისკების მართვისა და სადაზღვევო კომპანია გლობალ ბენეფიტს ჯორჯიას (შემდგომში Global Benefits Georgia) მიერ გამოცხადებულ ონლაინ კონკურსში (გათამაშებაში) მონაწილეობის პირობებს და წესებს. აღნიშნულში მონაწილეობა გამოხატავს თანხმობას ქვემოთ მოცემულ წესებზე.

თამაშდება 2 კაციანი საგზური აზერბაიჯანის FORMULA 1-ის გრან-პრიზე (მოიცავს ავიაბილეთებს, სასტუმროში განთავსებასა და FORMULA 1-ის ბილეთებს). კონკურსი წარმოადგენს ონლაინ გათამაშების ტიპს, სადაც მონაწილეობის შედეგად კონკურსანტმა შესაძლებელია მოიგოს პრიზი წესების სრულყოფილად დაცვის შემთხვევაში.

მონაწილეობის მისაღებად საჭიროა:

• საქართველოს მოქალაქე, სრულწლოვანმა პირმა შეიძინოს Global Benefits Georgia-ს სამოგზაურო დაზღვევა 6 ივნისიდან 31 აგვისტოს ჩათვლით;
• გამოიწეროთ Global Benefits Georgia-ს Facebook და Instagram გვერდები globalbenefitsgeorgia (აუცილებელია იყოს ავთენტური ექაუნთი);
• გათამაშებაში მონაწილეობას ვერ მიიღებს ის დაზღვეული, რომელზეც სამოგზაურო დაზღვევა გაიცა მასთან დადებული ხელშეკრულების ფარგლებში.

გამარჯვებული გამოვლინდება 2026 წლის 4 სექტემბერს, Global Benefits Georgia-ს Facebook-ის პირდაპირ ეთერში. გამარჯვებული გახდება პირდაპირ ეთერში FORMULA 1-ის ირგვლივ დასმულ კითხვაზე პირველი სწორი პასუხის ავტორი. სწორი პასუხის გაცემის შემდეგ გადამოწმდება აღნიშნულ პირს ნამდვილად შეძენილი აქვს თუ არა 6 ივნისი - 31 აგვისტოს პერიოდში სამოგზაურო დაზღვევა და შესრულებული აქვს თუ არა ამ წესებში მოცემული სხვა პირობები. იმ შემთხვევაში თუ ვერ დააკმაყოფილებს აღნიშნულ პირობებს, ავტომატურად მეორე სწორი პასუხის ავტორი გამოვლინდება გამარჯვებულად და ასე შემდეგ ყოველი შემდგომი. ასევე, გადამოწმდება და ბათილად ჩაითვლება Fake ექაუნთები.

ორგანიზატორი იტოვებს უფლებას დამოუკიდებლად განსაზღვროს ავიაკომპანია, ფრენის მარშრუტი, განრიგი, სასტუმროს ტიპი და FORMULA 1-ის დასასწრები ბილეთის ტიპი.

გამარჯვებული ვალდებულია ორ სამუშაო დღეში გამოგვიგზავნოს მისი და თანმხლები პირის შესახებ ყველა საჭირო ინფორმაცია, მათ შორის: პირადობის მოწმობა და პასპორტის სკანირებული ვერსია.

კონკურსის დაწყების თარიღია 06/06/2026 და დასრულების თარიღია 31/08/2026.

სამოგზაურო დაზღვევის შეძენა შესაძლებელია:

• Global Benefits Georgia-ს ვებ-გვერდზე: https://www.benefits.ge/travel/99499
• საქართველოს ბანკის მობილბანკიდან და ფილიალებიდან
• ლიბერთი ბანკის მობილბანკიდან და ფილიალებიდან