რა უნდა ვიცოდეთ COVID 19-ის სახლში მკურნალობის შესახებ
ზოგადი რეკომენდაციები:
- აკონტროლე ტემპერატურა - დღეში სამჯერ და ჩაინიშნე.
- დააკვირდი ნებისმიერი ახალი სიმპტომების გაჩენას.
- მუდმივად აკონტროლე სუნთქვა - რამდენად მარტივად იღლები ჩვეულ აქტივობებზე, რაც სხვა დროს დაღლას არ იწვევდა. პერიოდულად დაკავდი ფიზიკური აქტივობებით და შეაფასე სუნთქვა.
- ხველება - დააკვირდი ხომ არ გაგიჩნდა ნახველი ან იმატებს ხველა.
- მოსვენებულ მდგომარეობაში არ უნდა აღგენიშნებოდეს ქოშინი.
რეკომენდაციები, ის რაც უნდა გაითვალისწინო:
- ტემპერატურა - თუ ცხელება გაქვს 38 ან მეტი, მიიღეთ სიცხის დამწევი, საჭიროებიდან გამომდინარე 4-6 საათში.
- Covid 19-თან დაკავშირებული თავის, სახსრების, კუნთების, წელის ტკივილის შემთხვევაში, შეგიძლიათ მიიღოთ ტკივილ გამაყუჩებელი კვების შემდეგ.
- სითხე:
- სითხე შეგიძლია მიიღო, როგორც წყლის, მინერალური წყლის, ჩაის ან კომპოტის სახით.
- შეეცადე დღის განმავლობაში მიიღო 2 ლიტრამდე სითხე.
- სუნთქვითი ვარჯიშები:
- ჩაისუნთქე ცხვირით ღრმად, რამდენიმე წამის განმავლობაში, 4-6 წამი შემდეგ, ამოისუნთქე პირით.
- დღის განმავლობაში აკეთე სუნთქვითი ვარჯიშები და გაბერე ბუშტები.
- შეეცადე დაიძინო მუცელზე ეს ზრდის ფილტვების ვენტილაციას.
- ფიზიკური აქტიურობა:
- ერთ საათზე მეტი უმოძრაოდ ნუ იქნები, თუმცა არც გადაიტვირთო, იმოძრავე ზომიერად.
- სახლის და ოთახის განიავება:
- შეინარჩუნე გრილი ტემპერატურა ოთახში.
- ოთახი გაანიავე ხშირად.
- თამბაქო
- მოერიდეთ სიგარეტს, როგორც მის მოწევას, ასევე პასიურ მწეველობას.
იზოლაციის წესები:
- რეკომენდირებულია იყო ცალკე ოთახში იზოლირებულად.
- კბილის ჯაგრისი დადე განცალკევებით, ისე რომ არ ეხებოდეს დანარჩენი ოჯახის წევრების ჯაგრისებს.
- იქონიე ცალკე ჭურჭელი ან ისარგებლე ერთჯერადი ჭურჭლით.
- ანტიბაქტერიული ხსნარით, ხშირად გაწმინდე ზედაპირები რასაც ხშირად ეხები- კარის სახელურები, მაგიდა და სხვა ზედაპირები.
- ხშირად დაიბანე ხელები.
- საერთო სივრცეში აუცილებლად გამოიყენე პირბადე და ხელთათმანები ასევე ხელის ანტიბაქტერიული ხსნარი.
