COVID-19 ხშირად დასმული კითხვები
- ვინ ითვლება COVID - ინფიცირებულად?
COVID19 ინფიცირებულად ითვლება ადამიანი, რომელსაც ინფექცია დაუდასტურდა ლაბორატორიაში ჩატარებული კვლევით (პჯრ ტესტი- PCR) ან სწრაფი ანტიგენ ტესტით.
- სად არის შესაძლებელი COVID-19-ზე ტესტირება?
ანტიგენის სწრაფი ტესტირება შესაძლებელია მითითებულ ბმულზე წარმოდგენილ ლაბორატორიებში. https://stopcov.ge/ka/klinikebi
- რა შემთხვევაში ხდება PCR ტესტის გაკეთება? რა შემთხვევაშია ფასიანი და რა შემთხვევაში უფასო?
PCR ტესტის ჩატარების საჭიროება დადგენილია პროტოკოლის მიხედვით და განსაზღვრავს ოჯახის ექიმი,ახალი დადგენილებით ექიმის PCR ტესტი არ არის უფასო.
- როგორია იზოლაციისა და კარანტინის ვადები?
ვაქცინირებული, არავაქცინირებული და კოვიდგადატანილი ადამიანებისთვის 17 იანვრიდან იზოლაციისა და კარანტინისთვის დაწესებული ვადები შეიცვალა.
ასიმპტომური და მსუბუქი პაციენტებისთვის:
იზოლაციის ვადა განისაზღვრა 8 დღით;
სიმპტომების ალაგებიდან გასული უნდა იყოს 24 საათი;
საშუალო და მძიმედ მიმდინარე შემთხვევებისთვის:
კარანტინის ვადა განისაზღვრა 10 დღით;
პირს უნდა აღენიშნებოდეს სიმპტომების მკვეთრი გაუმჯობესების დინამიკა უკანასკნელი 24 საათის განმავლობაში;
იზოლაციის დასრულების შესახებ გადაწყვეტილებას, პაციენტის ჯანმრთელობის მდგომარეობიდან გამომდინარე, იღებს მისი ოჯახის ექიმი.
ორივე ზემოთ აღნიშნულ შემთხვევაში, იზოლაციიდან გასვლის შემდეგ პირს ეძლევა მკაცრი რეკომენდაცია 5 დღის განმავლობაში პირბადის ტარების შესახებ;
კონტაქტში მყოფი პირებისთვის, არავაქცინირებულთათვის და სხვა ჯგუფებისთვის შეცვლილი ვადების შესახებ ინფორმაციას გაეცანით, მითითებულ ბმულზე :
- როგორ დავიცვათ თავი კოვიდ 19 -გან?
- აიცერით; გაიკეთეთ ბუსტერი;
- ატარეთ პირბადე;
- დაიცავით ფიზიკური დისტანცია;
- დაიბანეთ ხელები ხშირად ან დაიმუშავეთ სადეზინფექციო ხსნარით;
- რატომ უნდა ჩავიტაროთ და რამდენად მნიშვნელოვანია COVID-19-ის საწინააღმდეგო ვაქცინაცია?
COVID-19-ის საწინააღმდეგო ვაქცინები პანდემიის შეჩერების ყველაზე ეფექტური საშუალებაა. ვაქცინაცია ამცირებს ინფიცირების და შესაბამისად ავადობისა და სიკვდილიანობის რისკებს. COVID-19-ის ვაქცინების ეფექტურობა დადასტურებულია კლინიკური კვლევების რამდენიმე ეტაპიანი ციკლით და იმ ქვეყნების გამოცდილებით, სადაც მიმდინარეობდა COVID-19 ვაქცინების დანერგვა.
ჯანმრთელობის მსოფლიო ორგანიზაცია, საზოგადოებრივი ჯანდაცვის უწყებები და კვალიფიციური ექიმები რეკომენდაციას უწევენ COVID-19-ის საწინააღმდეგო ვაქცინას!
ვაქცინაცია რეკომენდებულია იმ შემთხვევაშიც, თუ უკვე გადაიტანეთ COVID-19, რადგან არსებული მტკიცებულებებით, ინფექციის გადატანის შემდგომ არ ყალიბდება მყარი იმუნიტეტი და ადამიანი კვლავ რჩება განმეორებითი ინფიცირების რისკის ქვეშ.
საქართველოში ვაქცინაცია უფასო და ნებაყოფლობითია.
- როგორ უნდა დავჯავშნო რიგი/დავრეგისტრირდე COVID-19-ის საწინააღმდეგო ვაქცინაციისთის?
ვაქცინაციისთვის დარეგისტრირება და რიგის დაჯავშვნა შესაძლებელია სარეგისტრაციო პორტალზე: https://booking.moh.gov.ge/
- დასაშვებია თუ არა COVID-19-ის საწინააღმდეგო ვაქცინაცია ორსულებსა და ბავშვებში?
ჯანმრთელობის მსოფლიო ორგანიზაციის რეკომენდაციით დასაშვებია ორსულების და მეძუძური ქალების აცრა რისკისა და სარგებლის გათვალისწინებით.
საქართველოში ორსულებსა და მეძუძურ ქალებს შეუძლიათ აიცრან COVID-19-ის საწინააღმდეგო პფაიზერ ბიონტექის (Pfizer-BioNTech) ვაქცინით. ვაქცინაცია რეკომენდირებულია ორსულობის ნებისმიერ ვადაზე.
- ვის მივამართო COVID-19-თან დაკავშირებული საჭიროებების შემთხვევაში? (თუ არ ხართ ჩვენთან დაზღვეული)
- საზოგადოებრივი უსაფრთხოების მართვის ცენტრი-112
- სამთავრობო ცხელი ხაზი-144
- ჯანდაცვის სამინისტროს ცხელი ხაზი-1505
- დაავადებათა კონტროლის ეროვნული ცენტრი-116-001
- ვის მიერ გაიცემა ცნობა COVID-ინფიცირების ან არსებული კონტაქტის შესახებ სამსახურში წარსადგენად?
- თუ საკარანტინე ზონაში მოთავსებული პირი დასაქმებულია, ჯანდაცვის სამინისტრო უფლებამოსილია, ასეთ პირებზე, მოთხოვნის შემთხვევაში, გასცეს საავადმყოფოს ფურცლის ტოლფასი ცნობა.
- სტაციონარში მოთავსებულ პირებზე ცნობა გაიცემა სტაციონარული დაწესებულების მიერ
- ბინაზე მეთვალყურეობის შემთხვევაში ცნობას გასცემს შესაბამისი(მკურნალობის პროცესში ჩართული) ოჯახის ექიმი.